Nýr tónlistarleikur

Hef komist að þeirri niðurstöðu að koverlaga leikurinn er ekki að virka þar sem Kalli veit alltaf allt manna fyrst. Hef því brugðið á það ráð að hefja nýjan leik þar sem ég skora á Kalla ! Hvert skipti munum við til skiptis tefla fram lagi úr einhverjum flokk og viðkomandi þarf síðan að svara til baka með lagi úr sama flokk. Sá sem fær svo fleiri komment á sitt blogg sem segja að þeirra lag sé betra, eða verra ef um það er keppt (vondulaga keppnir oft hressar :P), vinnur. Ætla að byrja hér á þungarokks power-ballöðum og tefla fram Still Loving You með þýsku hetju-rokkurunum í Scorpions. Ef þið verðið einhvern tíman fyrir mikilli ástarsorg er ekkert annað í stöðunni en að skella sér í spandex, sækja ghettoblasterinn og botna svo þetta lag hjá klettabrún með hárið flaksandi í vindinum. Ef Kalli tekur áskoruninni er hlekkur að heimasíðunni hans hér hægra megin á síðunni. Gjörið svo vel:

Scorpions - Still Loving You